Спиењето е неопходно за здравјето, за вашето тело да се опорави и да се подготви за нов ден. Недостатокот на квалитетен сон може да доведе до сериозни последици како срцеви заболувања и мозочен удар, затоа треба да се внимава на навиките што го загрозуваат.
Една студија од 2019 година објавена во списанието Diabetes Care покажа дека луѓето кои спијат помалку од 7 часа на ден имаат поголема веројатност да развијат сериозни нарушувања.
Работата се наведува како главен виновник што ги спречува луѓето да спијат доволно. Освен тоа, работата е поврзана со прерано станување и која често вклучува долги патувања кои можат дополнително да ја исцрпат личноста, а интересно е што недостатокот на сон поради работата може да резултира со послаби работни перформанси.
Веројатно сте слушнале дека не е препорачливо да користите мобилен телефон во кревет, бидејќи тоа може да го наруши вашиот деноноќен ритам, поради што нема да можете веднаш да заспиете и да имате квалитетен сон. Најдобро решение е да ги оставите уредите најмалку еден час пред да одите в кревет.
Иако многу луѓе се чувствуваат како да ќе заспијат после пиење, алкохолот всушност го намалува квалитетот на вашиот сон. Дури и малите количини алкохол може да го нарушат вашиот сон. Исто така, никотинот има сличен ефект врз континуитетот на спиењето кога се консумира 4 часа пред спиење.
Иако кофеинот помага да се разбудите во текот на денот, тој останува во вашето тело со часови по консумирањето, што значи дека може да го наруши вашиот сон. Треба да избегнувате кофеин најмалку 4 часа пред да одите в кревет.
Користењето на спалната соба за други задачи освен спиење може да создаде чувство на будност наместо поспаност кога сте во собата. Активностите што треба да ги избегнувате во спалната соба се гледање телевизија или деловно работење.