Португалскиот фудбалер Кристијано Роналдо доживеа незгоден удар во носот во текот на мечот на петтото коло на УЕФА Лига на нации против Чешка, кога во 14 минута се судри со противничкиот голман.
Роналдо се обиде да дојде до топката и во таа прилика не виде дека голманот на Чешка, Томаш Вацлик истрча од гол-линијата, по што следеше судир во кој подебелиот крај го извлече португалскиот фудбалер откако чешкиот голман со раце го удри по лицето.
Да биде работата полоша, во таа ситуација Роналдо беше во голем офсајд и што и да се случеше од споменатиот напад, ВАР ќе реагираше и тоа ќе беше поништено.
На Роналдо помош му се укажуваше две минути, имаше и крвавење. Натпреварот го заврши со фластер на носот. Неколку минути потоа Роналдо имаше голема шанса за гол, но ја промаши топката.
Сепак, Португалија кон крајот на првото полувреме успеа да дојде до водство. Крајниот резултат беше 4 : 0.
