Даниел Рикардо објави дека нема да се натпреварува во Формула 1 идната година.
Рикардо на крајот од годината ќе го напушти Мекларен пред истекот на договорот со оглед на тоа што ниту тој, ниту британската екипа се задоволно од неговите изведби во Формула 1 годинава.
Никој не сака да го земе во нов тим, па тој ќе ја пропушти следната сезона.
„Нема да возам во Формула 1 следната сезона. И понатаму сакам да бидам дел од Ф1, но во овој момент потребен ми е одмор. Што се однесува до договорите, сакам да се вратам во 2024 година, кога ќе видам како ќе се одвиваат работите во тимовите“, порача Рикардо.
Во кариерата има 230 настапи и 8 победи, а последен пат славеше на Големата награда на Италија во 2021 година.
