Центарот на Филаделфија 76ерс, Камерунецот Жоел Ембиид, постави рекорд во кариерата и рекорд во франшизата во победата на неговиот тим над Сан Антонио Спарс од 133:123.
Ембиид го заврши натпреварот со 70 поени, 18 скока и 5 асистенции, со што го собори рекордот на легендарниот Вилт Чејмбрлејн, кој во 1967 година постигна 68 поени, што беше најмногу во историјата на 76ерс.
Инаку, легендарниот Вилт еднаш постави НБА рекорд со 100 поени, но тогаш настапуваше за Сан Франсиско Вориорс.
Покрај Ембиид, само уште двајца играчи на Фила беа двоцифрени и тоа Тајрис Макси со 18 поени, 8 асистенции и 4 скока, како и Тобиас Харис со 14 поени, 6 асистенции и 2 скока.
На другата страна беше најдобар Виктор Вембанјама со 33 поени, 7 скока и 2 асистенции, додека Девин Васел додаде 22 со 9 асистенции и 4 скока. Полјакот Џереми Соухан натпреварот го заврши со 14 поени, 8 скока и 4 асистенции, а Даг МекДермот постигна 13 поени со 5 скока. Двоцифрени беа и Џулиан Шемпејн и Треј Џонс со по 12 поена.
Покрај Ембиид, се истакна и Доминиканецот Карл-Ентони Таунс, кој во поразот на Минесота Тимбервулвс од Шарлот Хорнетс со 128:125 постави и рекорд во кариерата и рекорд во франшизата.
Таунс постигна неверојатни 62 поена со 8 скока и 2 асистенции, а го следеа Никил Александер-Вокер со 18 поени и 2 асистенции и Руди Гобер со дабл-дабл од 13 поени и 11 скока.
Мајлс Бриџис ги предводеше Хорнетс до победата со 28 поени, 5 скока и 2 асистенции, а Брендон Милер додаде 27 со 3 скока и 2 асистенции, додека ЛаМело Бол мечот го заврши со дабл-дабл од 18 поени, 13 асистенции и 6 скока. ПиЏеј Вошингтон додаде 12 со 7 скока и 3 асистенции, а двоцифрен беше и Тери Розие со 11 поени, 4 асистенции и 2 скока.
Во дерби вечерта Бостон Селтикс на гости го совлада Далас Маверикс со 119:110, а се истакнаа Џејсон Тејтум со дабл-дабл од 39 поени, 11 скока и 5 асистенции и Џејлен Браун со 34 поени, 4 асистенции и 3 скока.
Најдобар играч кај Мавс беше Лука Дончиќ, кој мечот го заврши со трипл-дабл од 33 поени, 18 скока и 13 асистенции, а Кајри Ирвинг додаде 23 со 6 скока и 3 асистенции.
Резултати:
Детроит Пистонс - Милвоки Бакс 113:122
Орландо Меџик - Кливленд Кавалирс 99:126
Филаделфија 76ерс - Сан Антонио Спарс 133:123
Торонто Репторс - Мемфис Гризлис 100:108
Минесота Тимбервулвс - Шарлот Хорнетс 125:128
Далас Маверикс - Бостон Селтикс 110:119
Феникс Санс - Чикаго Булс 115:113
Сакраменто Кингс - Атланта Хокс 122:107
Табела:
