Nokia планира да се врати на пазарот на премиум телефони со голема брзина, со моделот Magic Max, кој може да се пофали со врвни спецификации и ниска цена.
Magic Max беше достапен за малкумина среќници за време на MWC 2023 во Барселона, а сега се појавија рендери (неофицијални) кои покажуваат како би можел да изгледа телефонот.
Телефонот има рамни рабови и наликува на моделите на Apple, ќе го има новиот кориснички интерфејс Nokia Pure, базиран на Android 13.
Што се однесува до хардверот, ќе се напојува со тековниот чипсет Snapdragon 8 Gen 2, поврзан со 8GB, 12GB или 16GB RAM и 256GB или 512GB UFS 4.0 меморија.
Дисплејот ќе има големина од 6,7 инчи, ќе биде од типот AMOLED, со резолуција од 2400 x 1080 пиксели и поддршка за брзина на освежување на екранот од 120 Hz.
Што се однесува до камерите, очекувајте главен сензор од 200 MP, сензор со ултра широк агол од 16 MP, макро од 5 MP, како и селфи камера со дупка од 64 MP.
Nokia Magic Max би требало да има и голема батерија, со капацитет од 7500mAh, со поддршка за екстремно брзо систем за полнење.
Според извори, Nokia планира цената на телефонот Magic Max да биде 400 долари (некои извори споменуваат 370 евра). Останува да видиме дали тоа навистина ќе биде така, со оглед на тоа што цената е многукратно пониска од другите флегшип телефони на пазарот.
Засега ова се неофицијални информации, а се предлага Nokia Magic Max да биде лансиран во август.