Нов Зеланд стигна до бројки од 0 новозаразени и 0 активни случаи на COVID-19.
Со тоа практично ја елиминираше епидемијата на коронавирусот и ќе ги укине сите мерки, освен оние на границите, најави премиерката Џасинда Ардерн, со што оваа јужнопацифичка земја е една од првите во светот што го направи тоа.
Владата од денеска на полноќ ќе ги укине мерките за физичко растојание и ќе премине од ниво 2 на вонредна состојба на ниво 1, рече Ардерн.
Јавните и приватните настани, продавниците и угостителските објекти, како и целиот јавен превоз сега можат да почнат со работа нормално, без придржување кон физичко растојание кое е во сила во повеќето земји во светот.
„Иако сега сме во побезбедна, посилна позиција, сепак нема да биде лесно да се вратиме на животот пред COVID-19. Го зачувавме нашето здравје со одлучност и истрајност, а сега треба да се фокусираме на економското закрепнување“, рече Ардерн.
„Сè додека не е завршено, не можеме да кажеме дека е постигнато. Така, можам да го завршам со едноставно: Ти благодарам, Нов Зеланд“, истакна Ардерн.
Премиерката на прес-конференцијата на новинарско прашање како реагирала на веста дека веќе нема активни случаи во земјата, одговори дека заиграла од среќа.
