Новак Ѓоковиќ без да излезе на терен се пласираше во четвртфиналето на Мастерсот во Париз.
Најдобриот тенисер во светот требаше по 18. пат да игра со Гаел Монфис, но Французинот поради повреда го предаде мечот без борба.
Тој се повреди уште на почетокот на натпреварот од второто коло против Адријан Манарин додека се обидуваше да стигне една тешка топка на форхенд. По укажаната помош продолжи да игра и победи, но призна дека е речиси невозможно да игра против Новак.
„Јас ниту со 100 проценти не сум можел да го победам Ѓоковиќ, така што е тешко да го направам тоа со 60%. Ќе видам дали имам зелено светло од страна на докторот, а потоа ќе одлучам“, рече Монфис по мечот со Манарин.
Новак во четвртфиналето ќе игра со победникот од мечот Нори и Фриц.
