Владата на РС Македонија на денешната итна седница одлучи дека угостителските објекти се затвораат, а полицискиот час ќе почнува од 20 часот и ќе трае до 5 часот наутро, извести премиерот Зоран Заев.
Премиерот извести дека британскиот сој на коронавирусот зема сè поголем замав и затоа се неопходни нови рестриктивни мерки. Болниците се преоптоварени и медицинскиот кадар е исцрпен, изјави Заев.
Угостителските објекти ќе бидат затворени од 7 до 20 април.
Обложувалниците и казината ќе бидат затворени од 7 до 20 април, а фитнес центрите од 6 до 20 април. Исто така, забрането е одржување на конференции и обуки од 6 до 20 април, извести премиерот.
Сите угостителски објекти ќе можат да работат само со достава и нарачки, но гости не смеат да примаат.
- Целосна забраната за посетители и гости во кафетерии, ресторани, барови и клубови и други објекти кои во склоп на истиот кои даваат угостителски услуги, хотели, мотели, хостели и други објекти за сметување, бензински станици, а оние кои вршат подготовка и продажба на храна можат да продаваат онлајн и со телефонски нарачки и сите заедно да вршат достава или да овозможуваат самостојно подигнување на нарачката почнувајќи од 7 април среда до 20 април 2021 година, рече премиерот Заев.
Исклучок од ова се угостителски објекти на аеродромите во Скопје и Охрид и угостителски објекти во сместувачки капацитети, хотел, мотел, хостел, пансион и други објекти.
Обложувалниците ќе можат да работат без да примаат гости во своите објекти и уплатите да ги вршат преку наплатен пункт.
-Бројот на новозаразени постојано расте, бројот на починати од корона расте, досега здравствените работници се справуваа со предизвиците, но, сега постои сериозно оптоварување на здравствените работници кои деноноќно и со сите сили се во битката за спасување човечки животи. Ова е најголемо оптоварување на здравствените систем од почетокот на пандемијата. Ова е моментот кога е потребно да ги пресечеме многу сериозните последици. Од овие причини Владата ги донесе донесе новите рестриткивни мерки, рече премиерот Зоран заев на денешната прес-конференција.
Следете ја прес-конференцијата во живо:
