Се чини нема крај на проблемите околу Tesla Cybertruck, сигурно најконтроверзното возило во изминатата година.
Прво, неговата продажба во Европа беше забранета од безбедносни причини. Тогаш сопствениците полудеа кога сфатија дека пик-апот со огромни димензии нема резервно тркало, а речиси ништо не собира во багажникот под товарниот простор.
Конечно, интернетот е преплавен со видеа на кои се гледа дека вратите од автомобилот или хаубата на моторот се остри како гилотина, па ако случајно успеете да ги лизнете прстите додека ги затворате, ќе останете без прсти.
А сега уште едно видео стана вирално. Имено, на него се гледа како Cybertruck се мачи да надмине исклучително блага нагорнина покриена со можеби дваесетина сантиметри снег, над кој лесно би поминал секој автомобил со зимски гуми, а некои 4х4 не би ни почувствувале дека се работи за искачување.
За да ја зголеми болката на сопственикот на Cybertruck, возачот на автомобилот кој ја снимал оваа прилично непријатна ситуација гласно искоментирал: „Викни го Илон да те извлече!“
Додека некои го бранат Cybertruck, посочувајќи дека автомобилот очигледно немал гуми за снег или синџири кои се неопходни во такви ситуации, останува фактот дека моментот е многу несреќен за Tesla.
Cybertruck веќе се соочи со предизвици поврзани со опсегот, трошоците, контролата на квалитетот и доцнењата во производството. Некои критичари дури шпекулираат дали многуте одвлекувања на Илон Маск придонеле за сите проблеми на Tesla.
