Американците обожаваат големи автомобили, а Hummer отсекогаш се истакнувал меѓу омилените.
Новиот Hummer беше претставен неодамна и имавме шанса да го видиме преку официјални фотографии и видеа, но дури во секојдневниот сообраќај станува јасно што GMC одлучи да им понуди на американските клиенти.
Новиот Hummer веќе не може да се чуе од една милја оддалеченост, туку вози тивко на електрична енергија. И во исто време, е страшно брз, така што забрзува како суперспортски автомобили. Сепак, сето тоа паѓа во вода кога ќе го видите на пат со огромните 35-инчни теренски гуми и изглед на камион.
Прототипот неодамна беше снимен на улиците на Детроит, а судејќи според другите учесници во сообраќајот, тој е еден од најголемите модели на пик-ап во овој сегмент. На пример, Mustang застанат пред него изгледа како играчка, а тоа е голем автомобил.
За потсетување, најмоќната Edition 1 верзија со над 1.000 КС започнува од околу 105.000 американски долари. За најевтината верзија ќе треба да се почека до пролетта 2024 година и ќе биде понудена за 79.995 американски долари.