Италијанските медиуми пишуваат дека веднаш откако на сила ќе стапи суспензијата на коцкарот Тонали, Њукасл ќе го тужи Милан за пропаднатото засилување.
Corriere dello Sport објави дека Њукасл Јунајтед му се заканил на Милан со тужба од повеќе милиони евра поради претстојната суспензија на Сандро Тонали поради скандалот со обложување.
Весникот нагласува дека се очекува на 23-годишниот италијански играч од средниот ред утре да му биде официјализирана суспензија од ФИГЦ поради неговата вмешаност во скандалот со обложување во Серија А. Тој призна дека се обложувал и на Бреша и на Милан за време на неговиот престој во двата клуба.
Адвокатскиот тим на Тонали преговараше за договор според кој најверојатно ќе му биде изречена суспензија од 10 месеци и очекувањата се дека тоа ќе биде потврдено во текот на утрешниот ден, при што сите страни сакаат побрзо да ја финализираат постапката.
Синоќа, Њукасл наводно се заканил дека ќе покрене тужба од повеќе милиони евра против Милан кога ќе стапи на сила забраната на Тонали, бесен што нивното летно засилување од 70 милиони евра сега ќе биде надвор од теренот до крајот на сезоната.
Платата на играчот од средниот ред - околу 8 милиони евра нето по сезона - ќе биде исто така суспендирана. Ова е сосема спротивно на начинот на кој Јувентус се справи со забраната на Николò Фаџоли, кој одлучи да му ја исплати целата плата и да му дозволи да тренира со првиот тим.