HBO најави дека „House of the Dragon“, серија базирана на „Game of Thrones“, ќе почне да се прикажува во 2022 година.
Поминаа две години од емитувањето на последната сезона на мегапопуларната серија која не им се допадна на гледачите и за која потпишаа петиција да се снима одново.
Дејството ќе биде во време на Таргарјен доминацијата во Вестерос, 300 години пред настаните во „Game of Thrones“.
Тоа е период на војни, семејни конфликти и време полно со змејови и огнови.
Серијата е правена според книгите „Fire and Blood“ и „The World of Ice and Fire“ на Џорџ Мартин, но не е познато кои настани ќе бидат одбрани за новата серија.
Објавени се неколку фотографии од снимањето на „House of the Dragon“ во северна Ирска. Засега нема многу информации за новата серија, освен дека ќе глумат Мет Смит и Ема Дарси.