Натпреварот меѓу АЕК и загрепски Динамо е одложен, пишуваат грчките медиуми.
На ваквата одлука влијаеја трагичните инциденти на улиците низ Атина, во кои загина еден навивач на АЕК.
Хулиганите од Загреб (Бед Блу Бојс) дојдоа на натпреварот и покрај забраната од УЕФА и предизвикаа хаос во населбата Неа Филаделфија, каде се наоѓа стадионот на АЕК.
На безбедносниот состанок одржан утрово, челниците на АЕК рекле дека одговорни за инцидентите се Динамо и грчката полиција, бидејќи според нив двете страни можеле да направат повеќе за да не се случи хаосот.
Да потсетиме, повредени се најмалку осум лица, од кои еден малолетник, а уапсени се речиси 100 навивачи.
УЕФА наскоро ќе излезе со соопштение и евентуално ќе објави нов термин за натпреварот.