Во сојузната држава Пуебла се отвори земјата и се создаде огромна карстна дупка со дијаметар од 60 метри.
Уште од дамнешни времиња во Мексико се формирале многу карстни дупки. Локалните жители ги нарекуваат сеноте, многу од нив се потопени, а Маите и Ацтеките сметале дека во нив живеат боговите.
Сега во Мексико има нова ваква карстна дупка, уште наречена и сифонска јама. Голема е 60 метри во дијаметар и длабока 20 метри. Властите задолжени за природата велат дека карстната дупка е резултат на геолошки промени во почвата и подпочвата.
Локалните жители сметаат дека причините за ненадејното појавување на големата карстна дупка се сосема поинакви. Според нив, таа е резултат на безмилосното искористување на подземните води од страна на индустриските конгломерати.