Тим Леброн го победи Тим Дурент на Ол-стар натпреварот во Кливленд, а решавачкиот кош го постигна Џејмс за триумф на неговиот тим со резултат 163:160.
Беше спектакл за паметење во кој Стеф Кари се истакна со 50 поени и 16 тројки, поставувајќи нов рекорд на Ол-стар. Сепак, Јанис Адетокунбо и Леброн Џејмс ја презедоа играта во последната четвртина, а кошаркарот на Лејкерс погоди шут за победа.
Адетокунбо на крајот постигна 30 поени, а Џејмс уфрли 24.
Никола Јокиќ не играше на вообичаеното ниво и постигна само 10 поени, забележувајќи 9 скока и 8 асистенции. Лука Дончиќ постигна 8 поени во победничкиот тим.
Жоел Ембиид со 36 поени беше најефикасен кај Тим Дурент, а се истакнаа и Девин Букер со 20 и ЛаМело Бол со 18 поени, како и Тре Јанг кој запиша дабл-дабл со 13 поени и 10 асистенции.
Кари беше прогласен за најкорисен играч (МВП) на Ол-стар натпреварот.
Следната година Ол-стар викендот ќе се одржи од 17 до 19 февруари 2023 во Солт Лејк Сити каде домаќин ќе биде Јута Џез во својата „Вивинт Арина“.
