Помошниот судија нема повеќе да виде во судискиот тим на главниот судија Дани Макели откако доби отказ од својот надреден.
Холандскиот судија Дани Макели одлучи да му врачи отказ на својот помошник Марио Дикс и тоа токму пред Еврипското првенство на кое треба да суди и неговиот тим.
Дикс е помошникот кој на мундијалскиот квалификациски натпревар игран на 27 март во Белград не успеа да види дека топката со цел обем ја мина гол-линијата кога во судиското надополнување Кристијано Роналдо постигна гол за победа против Србија. Натпреварот потоа заврши 2:2.
„Големо, големо разочарување за мене, токму пред Европското првенство. Макели ми рече дека сака да продолжи со друг помошник бидејќи загубил доверба во нашата соработка. Навистина се надевав на поголема поддршка, разбирање и доверба по успешната соработка сите овие години“, вели разочараниот Дикс.
Него ќе го замени Јан де Врис кој ќе дебитира во новиот судиски тим в четврток во рамките на Лига Европа на натпреварот помеѓу Виљареал и Динамо. Тој на Макели ќе му помага заедно со Хесел Стенхстра.
