Ниту една друга категорија немаше толку многу кандидати колку во изборот за „Спортски автомобил на годината“, што го организира специјализираното списание Auto Bild Sportscars.
Вкупно 24 модели се натпреваруваа во категоријата „Лимузини и каравани/сериски автомобили“, а победник е: Alfa Romeo Giulia Quadrifoglio.
Најмоќната верзија на овој модел го наследи моделот Alfa Romeo Stelvio Quadrifoglio, кој беше победник во својата категорија во конкуренцијата Auto Bild Sportcars пред точно една година. Не само што обете возила ја освоија истата награда, туку се напојуваат и со идентичен V6 битурбо бензинец, кој произведува 375 kW (510 КС).
Giulia Quadrifoglio е доказ за исклучителноста на брендот Alfa Romeo, и уште помоќен израз на перформансите, победничка ДНК и карактеристичниот италијански стил. Процесот на обновување на гамата е надополнет со концентрација на софистицирани технички решенија, како и оние за перформансите, а Giulia го отелотворува најрафинираниот израз на функционалноста на италијанскиот дизајн, сето тоа во уникатен стил на брендот Alfa Romeo што не може да се копира.
Нејзините перформанси кои се водечки во класата, се загарантирани од моќниот 2,9-литарски V6 битурбо мотор кој е 100% од алуминиум, способен да развие дури 510 коњски сили и 600 Nm максимален вртежен момент при 2.500 вртежи во минута. Испораката на енергија до тркалата е одговорност на системот за векторирање на вртежниот момент Alfa™ Active Torque Vectoring. Осумстепениот автоматски менувач е калибриран за да се оптимизира флуидноста и удобноста при возењето. Во режимот RACE, Giulia го изразува својот целосен потенцијал со промена на брзините со молскавична брзина, за само 150 милисекунди.
Моделот Giulia Quadrifoglio е опремен со низа системи дизајнирани да го подобрат задоволството во возењето, притоа нудејќи му на возачот најактивно и најпривлечно возачко искуство. Тука спаѓаат Alfa Active Suspension, Alfa™ DNA Pro селекторот со режим на возење RACE и Alfa™ Active Aero splitter. Сите системи се координирани и прилагодени во реално време од единицата Alfa™ Chassis Domain Control, обезбедувајќи континуирано идеални услови за возилото и возачот да ги искористат извонредните перформанси на автомобилот.
На натпреварот „Спортски автомобил на годината“, уредниците на магазинот Auto Bild Sportcars на читателите им презентираа избор од 117 современи модели на возила во 10 категории, од мали автомобили до џипови, во стандардни и напредни верзии.
