По првите објавени фотографии, Volkswagen ги објави и техничките детали за редизајнираниот GTI.
Polo GTI за 2022 година е редизајниран според изгледот на регуларната верзија на овој модел на Volkswagen кој беше претставен кон крајот на април.
Германскиот произведувач се потруди да ја модернизира надворешноста и внатрешноста на автомобилот.
Го рестилизираше и предниот и задниот дел на возилото според изледот на Golf 8. Тука се новите ЛЕД дневни светла, редизајнираната маска и предниот браник, додека позади се новите светла и браникот.
Го движи 2,0-литарски 4-цилиндричен турбо бензин мотор со 207 коњски сили и 320 Nm максимален вртежен момент.
Од 0 до 100 км/час забрзува за 6,5 секунди. Максималната брзина е 240 км/час.
Цените и датумот на почетокот на продажбата сè уште не се соопштени.