Кога сме настинати посегаме по пилешка супа, многу течности, прополис, ѓумбир и мед, но дали треба да се „бомбардираме“ со храна богата со витамини и минерали, а да избегнуваме шеќери и преработена храна?
Па, не баш. Докторите предупредуваат кои намирници можат да ни штетат и да ги продолжат симптомите на болест кога организмот е ослабен.
Хистаминот помага телото да се ослободи од алергени. Ако не поднесувате одредена храна, хистаминот ќе ве „предупреди“ и ќе поттикне алергиска реакција. Ако сте интолерантни на хистамин, може да се појави реакција слична на алергиска или пак умор, недостиг на енергија и главоболка. Иако не содржи многу хистамин, спанаќот помага во негово ослободување. Во истата категорија спаѓаат јагодите и доматите, па најдобро е да ги избегнувате додека сте болни.
Цинкот и витаминот Е му помагаат на телото во борбата против болести, но ако ве мачи желудникот или имате температура, подобро е да избегнувате ореви, лешници, бадеми и слично. Причина за тоа е што маснотиите тешко се разложуваат, па желудникот може дополнително да се вознемири и на телото да му ја одземе енергијата потребна за борба со болеста.
Брокулата изобилува со влакна кои не се баши пријатни за организам ослабен од болест. Првите неколку дена од настинка, грип и слично подобро е да јадете намирници кои лесно се варат.
Шеќерите од гравот можат да поттикнат желудочни тегоби како дијареја, гасови и грчеви. Телото не синтетизира доволно ензими кои намалуваат гасови, па шеќерите не се варат во целост. Затоа, немојте да јадете грав ако ве мачи желудникот, избегнувајте и млечни производи.
Не се препорачува кога ве боли грлото да јадете сиров зеленчук бидејќи дополнително го надразнува. Кај болки во грлото се препорачува да јадете мед бидејќи спречува кашлица, како и јајца поради витамин Д и цинк, кои го подобруваат имунитетот.
