Кога ќе се спомне Poseidon, првата асоцијација е автомобили со голема моќност, а последниот проект на тјунинг студиото е навистина импресивен.
Mercedes-AMG S63 Coupe го следи рецептот на Poseidon така што неговиот 4,0-литарски твин-турбо V8 мотор развива 927 КС и 1.280 Nm максимален вртежен момент, што претставува значително зголемување на моќноста во споредба со стандардните 603 КС и 900 Nm.
Poseidon го постигна ова со инсталирање на турбо-полначи со високи перформанси со топчести лежишта, downpipe со спортски катализатори, спортски филтер за воздух, систем за вбризгување мешавина од вода и метанол, модифицирани се вентилите и цилиндрите, а направено е и ремапирање на софтверот за моторот и менувачот.
Резултатот е забрзување од 0 до 100 км/ч за 2,8 секунди и максимална брзина од 350 км/ч, што е електронски ограничено.
Овие подобрувања чинат 52.000 евра во Германија.
Има пакет кој чини 29.990 евра и кој ја зголемува моќноста на 868 КС и 1.200 Nm максимален вртежен момент. Луксузното купе во овој случај достигнува „стотка“ за 2,9 секунди пред да ги достигне максималните 350 км/ч. Сепак, тука не постои систем за инјектирање мешавина од вода и метанол и модификација на вентилите и цилиндрите.
За 24.000 евра, Poseidon ќе ја зголеми моќноста на 818 КС и 1.100 Nm, а тоа е Stage 2 тјунинг доволен за да забрза од 0 до 100 км/ч за 3 секунди.
Stage 1 чини „скромни“ 4.200 евра и вклучува само мапирање на ECU единицата и на крајот зголемување на моќноста до 690 КС и 950 Nm. Максималната брзина е 330 км/ч, а забрзувањето од 0 до 100 км/ч се обавува за 3,2 секунди.
Poseidon работи и на уште понапреден пакет од моментално најдобриот, што ќе му овозможи на моторот V8 да испорачува 986 КС.
