Денвер Нагетс ноќеска во рамките на новото НБА натпреварување - НБА купот - благодарение на врвниот учинок на Никола Јокиќ успеа да го совлада тимот на Далас Маверикс со 125:114, додека на другата страна Лука Дончиќ одигра одлично. И двајцата запишаа дабл-дабл.
Станува збор за идејата на комесарот на НБА, Адам Силвер, сред сезона да се играат натпревари од ново натпреварување и нивните резултати да влезат во стандардната табела на НБА лигата. Има шест групи со по пет екипи, од кои секоја ќе одигра по четири натпревари во својата група (два дома, два на гости) и ќе се обиде да се пласира во четвртфиналето.
Од паркетот во НБА салите е направен циркус, па кошаркарите играат на светло обоена подлога, што наиде на незадоволство кај многу фанови, но од тоа ќе заработат огромни пари.
Да се свртиме кон натпреварите. Најдобриот светски кошаркар го предводеше актуелниот шампион во НБА до нова победа со 33 поени, 14 скока и 9 асистенции, а го следеше Мајкл Портер со 24 поени и 9 скока, додека Арон Гордон и Џамал Мареј додадоа по 18 поени. Гордон додаде 8 скока и 6 асистенции, а Мареј 13 асистенции и 2 скока.
На другата страна се истакна Лука Дончиќ со 34 поени, 10 скока и 8 асистенции, а Кајри Ирвинг додаде 22 со 7 асистенции. Двоцифрени беа и Џош Грин и Грант Вилијамс со по 13 поени, 5 скока и 2 асистенции.
Голден Стејт Вориорс победија со 141:139 на гостувањето кај Оклахома Сити Тандер, а Стеф Кари го постигна победничкиот кош во последната секунда од натпреварот. Кошот првично беше поништен, но по прегледувањето на видеото, беше утврдено дека кошот е легален и победата им припадна на Вориорс.
Токму Кари беше најефикасен кај Голден Стејт со 30 поени, 8 скока и 7 асистенции, додека Дарио Шариќ додаде 20 со 6 скока и 3 асистенции, а Џонатан Куминга постигна 19 поени со 2 скока. Клеј Томпсон го заврши мечот со 18 поени и 3 скока, а Андрју Вигинс додаде 17 со 5 скока, додека Дрејмонд Грин беше двоцифрен со 15 поени, 5 скока и 3 асистенции.
Во поразениот тим најдобар беше Лугуентц Дорт со 29 поени и 5 скока, додека Чет Холмгрен додаде 24 со 8 скока и 5 асистенции, а Џош Гиди и Џејлен Вилијамс мечот го завршија со 18 поени. Гиди додаде 5 скока и 4 асистенции, а Вилијамс 8 асистенции и 3 скока. Ајзеа Џо додаде 16, а двоцифрен беше и Кејсон Валас со 13 поени и 2 скока.
НБА куп, резултати:
Група А
Портланд Треил Блејзерс - Мемфис Гризлис 115:113
Група Б
Денвер Нагетс - Далас Маверикс 125:114
Група Ц
Оклахома Сити Тандер - Голден Стејт Вориорс 139:141
Група А
Индијана Пејсерс - Кливленд Кавалирс 121:116
Група Б
Милвоки Бакс - Њујорк Никс 110:105
Мајами Хит - Вашингтон Визардс 121:114
Група Ц
Чикаго Булс - Бруклин Нетс 107:109