Во 2013 сите знаеја кој е третиот најдобар фудбалер во светот.
Гарет Бејл излегуваше од сезоната на неговата кариера во Тотенхем и беше на прагот на 24-тата година, будејќи го интересот на секој голем клуб во Европа.
Со исклучително темпо, сила и моќен шут од далечина, Бејл беше најблиску до она што Роналдо беше за светскиот фудбал, а Реал Мадрид го плати тогаш светскиот рекорд од 100 милиони евра за да ги спои Велшанецот и Португалецот во оригинален двоец за напад што таа сезона му ја донесе десеттата титула на клубот во Лигата на шампиони, како и уште три во наредните пет години.
И покрај трофеите, кариерата на Бејл во Мадрид сега главно се гледа како разочарување.
Не го сакаат ни тренерот, ни фановите. Крилниот играч во изминативе години има споредна улога и постојано го врзуваат со трансфери кои никако да се реализираат.
Но, како највозбудливиот играч во светот стана „вишок“? Во најновата епизода од серијалот Everything You Need To Know на Football Daily се одговара на ова прашање како дел од целосната приказна за подемот и падот на Гарет Бејл.
