Пол Погба веќе платил значителна сума пари, односно 100.000 евра, на лица кои му се закануваат.
Погба е жртва на закани и обиди за изнуда, на уценувачите им платил 100.000 евра.
Според „Франс инфо“ сумата била платена во март, 2022 година, кога изнудувачите му се заканиле на професионалниот фудбалер на маргините на меѓународна средба на селекцијата на Франција.
Во текот на изминативе дена Пол Погба се наоѓа во центарот на вниманието откако неговиот брат Матијас објави видео во кое порача дека ќе ги открие сите лоши работи кои ги знае за него.
Матијас Погба го шокира фудбалскиот свет со видео објавено на Instagram во кое зборува за тоа колку неговиот брат е лош човек
Покрената е истрага против него. Погба на полицајците им рекол дека Матијас и неговите пријатели се обидуваат да го уценат и изнудат пари, побарале 13 милиони евра.
Француските медиуми пишуваат дека Пол веќе платил 100.000 евра откако му се заканиле, но одбил да даде повеќе пари по што Матијас реагирал со видеото, во кое го спомнува и Килијан Мбапе.
