Погба речиси протеран од фудбалот - доби суспензија од 4 години

Светскиот шампион со Франција од 2018 година и играч на Јувентус, Пол Погба, доби 4-годишна суспензија поради користење допинг.

Францускиот фудбалер Пол Погба (30) е суспендиран на 4 години поради допинг, пренесува La Gazzetta dello Sport. Погба падна на допинг тестот на 20 август 2023 година, по натпреварот помеѓу Јувентус и Удинезе, во 1. коло од Серија А и оттогаш нема настап за „Старата дама“ оти се чекаше конечната одлука. Според последните информации, Антидопинг агенцијата го казнила Погба на дури 4 години надвор од фудбалот, со што практично му ја заврши кариерата на светскиот шампион.

Во моментот кога ќе истече казната, Погба ќе има дури 34 години и ќе има 4 години без натпревар со натпреварувачки калибар, па вистинското прашање е дали воопшто ќе излезе повторно на зелениот терен. Тој веќе го освои Мундијалот на ФИФА и има сѐ помалку мотив да игра фудбал, но сигурно е дека прво ќе се обиде да ја намали огромната казна.

Во слична ситуација се најде и македонскиот репрезентативец Аријан Адеми, кој во септември 2015 година излезе позитивен на стероидот станозолол по натпреварот од Лигата на шампионите меѓу неговиот Динамо и Арсенал. Откако и повторениот тест излезе позитивен, УЕФА му изрече суспензија од 4 години. Адеми се жалеше на Судот за спортска арбитража, по што во мај 2017 казната му беше преполовена на 2 години, па на терените се врати во октомври истата година.

Во урината на францускиот фудбалер беше пронајден дехидроепиандростерон (DHEA), кој со години е забранет во спортот, а најчесто го користат бодибилдерите поради нивните поголеми мускули. Зошто Погба го користел и дали е „фатен“ кога прв пат го употребил, засега никому не му е јасно.

Инаку, Погба се врати во Јувентус летото 2022 година, по 6 години минати во Манчестер Јунајтед, но неговата прва сезона во вториот мандат беше преполна со повреди. Најверојатно користел недозволени средства во обид да го забрза процесот на опоравување, но поради тоа си стави крај на кариерата. Штом се појавија информациите дека користел допинг, Јувентус го суспендираше, а впечаток е дека сега најверојатно ќе бараат решение за раскин на договорот со него за да не му ја плаќаат високата плата уште две години.

На хартија, тој е нивен фудбалер до 2026 година, но поради скандалот што го направи - ФИФА треба да дозволи тој автоматски да се прекине. Погба одигра 190 натпревари за Јуве и постигна 34 гола и 41 асистенција, додека за Јунајтед одигра 233 натпревари. Таму запиша уште 39 голови и 51 асистенција.

реклама

Три уреди во домот што никогаш не треба да се исклучуваат од струја

Read more

Колку често мажите треба да ејакулираат за да го одржат своето здравје?

Read more

Суперхрана која го намалува ризикот од рак - вклучете ја во исхраната

Read more

Едно цвеќе е идеално за балконите кои повеќе се во сенка

Read more

Фудбал

Официјални состави: Милан - Интер

Read more

Кардиф: Штетата поради смртта на Сала изнесува 120 милиони евра

Read more

Пактот од 1981: Како навивачите на Интер и Милан склучиле примирје?

Read more

Дали Барса беше оштетена за гол на Ел Класико?

Read more
 

Спорт

Официјални состави: Милан - Интер

Читај повеќе

ММА борач удри девојка по задникот, веднаш беше исфрлен од организацијата

Читај повеќе

Кардиф: Штетата поради смртта на Сала изнесува 120 милиони евра

Читај повеќе

Сега е официјално: Јокиќ против Дончиќ за титулата МВП

Читај повеќе

Пактот од 1981: Како навивачите на Интер и Милан склучиле примирје?

Читај повеќе

Ѓоковиќ го откажа Мастерсот во Мадрид, па дојде на Ел Класико да го бодри Реал

Читај повеќе
  • play_arrow

Дали Барса беше оштетена за гол на Ел Класико?

Читај повеќе
  • play_arrow

Далас на Дончиќ поразен на стартот од плеј-офот, Харден и Зубац одржаа лекција по кошарка

Читај повеќе
  • play_arrow

Падна светскиот рекорд во маратон

Читај повеќе