„Давеникот“ од третата лига Моркамб до 74. минута сензационално водеше со 1:0 кај Тотенхем во третото коло од ФА Купот.
Тогаш дефанзивниот играч за врска на Тотенхем, Хари Винкс, отиде да изведе слободен удар покрај аут-линијата на левата страна.
Втрча и од позиција од која никој не очекуваше, шутираше со десната нога и директно погоди во голот. Така испратената топка заврши во спротивниот агол од мрежата на голманот на Моркамб.
До крајот Тотенхем победи со головите на Лукас Моура и Хари Кејн, но се врати во игра и избегна срам благодарение на ремек-делото на Винкс, што можете да го видите во продолжение: