Фудбалерите на Виљареал направија голема сензација исфрлајќи го славниот Баерн од Лигата на шампионите, а по победата од 1:0 во првиот дуел, шпанскиот тим ремизираше 1:1 во Минхен и со тоа мина меѓу четирите најдобри екипи во Европа.
Во 88 минута гостите се пробија од десната страна по слабата одбрана.
Тоа беше веројатно еден од најголемите моменти во историјата на овој клуб, а гостите од Шпанија откако погодија за 1:1 успеаја да ја зачуваат својата мрежа и благодарение на победата од првиот натпревар да поминат меѓу четирите најдобри селекции во Лигата на шампионите.
Виљареал во полуфиналето ќе игра против подобриот од мечот Ливерпул-Бенфика. Таму англискиот тим има два гола предност по првиот меч и најверојатно ќе оди понатаму.
Првите полуфинални натпревари се закажани за 26 и 27 април, а реваншите се закажани за 3 и 4 мај.