Rimac Automobil денеска соопштија дека лансираат сериска верзија на нивниот хиперавтомобил од втора генерација по име Rimac Nevera.
Ова се најважните информации за хиперавтомобилот што ги објавија од Rimac Automobil:
Името го доби по моќното медитеранско невреме кое беснее на отворено море во Хрватска
Резултатот е на четиригодишен развој на моделот Rimac C_Two, кој со подобрувањата и подновувањата на сите компоненти и системи сега е претставен како продукциски модел
Дизајниран, развиен и произведен во Хрватска, Nevera ќе биде хомологиран за целиот свет
Неспоредливи перформанси со четири електромотори со вкупна моќност од 1.914 КС и вртежен момент од 2360 Nm
Перформансите ги надминуваат првично планираните: максимална брзина од 412 км/ч, забрзување од 0-100 км/ч за помалку од две секунди, забрзување од 0-402 метри (четвртина милја) за 8,6 секунди
Цена 2 милиони евра, производство ограничено на 150 единици, испораките до клиенти започнуваат оваа година
Nevera е најмоќниот и најбрз забрзувачки хомологиран автомобил во производство, без оглед на видот на погонскиот систем.