Викендов на небото над нас се појавија Драконидите кои се меѓу најбавните метеори со брзина од 20 км/с. Ќе бидат видливи уште денеска.
Драконидите се активни секоја година приближно во исто време од 6 до 10 октомври, со очекувана максимална активност во ноќта на 9 октомври. Името го добиле по соѕвездието Змеј од кое потекнуваат и ги претставуваат трагите од прашина што ги оставила кометата 21P/Giacobini–Zinner.
Иако нивните најсилни „врнежи“ биле забележани во текот на 1933 и 1946 година - кога на небото биле забележани илјадници метеори на, денес на нивниот врв е можно да се видат само околу 10 метеори за еден час. И оваа година се очекува да бидат видливи од САД, Канада, Европа и Северна Азија.
Експертите сугерираат дека, за разлика од другите дождови од метеори, Драконидите најдобро се гледаат порано во вечерните часови. Меѓутоа, бидејќи оваа година нивниот врв ќе се случи за време на полна месечина, нивната видливост ќе биде намалена. Затоа, најдобро место за набљудување на оваа појава се областите надвор од центарот на градовите со намалено каде има загадување на воздухот.
