Губењето на вишок килограми може да биде напорно и тешко, а понекогаш подразбира откажување од омилената храна.
Рестриктивните диети станаа клучни за слабеење, особено кога сакате за краток временски период да изгубите повеќе килограми. Диетата со висок процент на протеини, а низок на јаглехидрати е една од нив.
Овие пет намирници се богати со протеини и можат да ви помогнат при губење на вишокот килограми, пишува Times of India.
Ако сакате денот да го почнете со храна богата со протеини, а малку јаглехидрати, вклучете ги јајцата во вашиот појадок. Богати се со протеини, а имаат минимална количина на јаглехидрати. Може да ги подготвите на различни начини и се исклучително здрави.
Грчкиот јогурт и разните видови кашкавал се многу здрави. Богати се со хранливи материи вклучително и калциум, витамини А и Д, калиум и магнезиум.
Бадеми, путер од кикирики, семки од тиква, чиа семе, сончоглед, сите овие семиња се богати со протеини. Содржат низок процент на јаглехидрати поради што се одличен избор ако сакате да слабеете.
Одличен извор на протеини се школките, но исто така се богати со омега-3 масни киселини и содржат големи количини на одредени микронутриенти како железо, цинк, магнезиум и витамин Б12.
Брокула, спанаќ, печурки, пиперки и друго спаѓаат во зеленчук без скроб. Богати се со протеини и се идеална храна за слабеење. Освен тоа, овој зеленчук има и други здравствени предности.
