Поранешниот уругвајски фудбалер Франко Акоста (25), кој во текот на својата кариера играше за Виљареал и Расинг Сантандер, е најден мртов откако исчезна во обид да преплива река во областа Канелонес, на југот на земјата.
Според уругвајските медиуми, телото на младиот спортист било пронајдено практично на истото место каде што последен пат бил виден. Крајбрежната служба трагаше по Акоста од саботата, а повеќе детали се очекуваат по истрагата.
Роден во март 1996 година, уругвајскиот фудбалер ја започна својата професионална кариера во Феникс, каде дебитираше во 2013 година. Две години подоцна, напаѓачот настапи за репрезентацијата ан Уругвај на У20 Јужноамериканското првенство и Светското првенство во истата категорија во тим со играчи како Ерик Кабако, Мауро Арамбари, Наитан Нандес и Гастон Перејро.
Истата сезона, Акоста беше ангажиран од Виљареал, каде главно играше за вториот тим, а нешто подоцна стигна и до првиот тим и во јуни 2015 година го направи своето деби во Лига Европа на УЕФА во победата на „Жолтата подморница“ над француски Лион со головите на Сориан и Батиста.
Конечно, во 2018 година, отиде во Расинг Сантандер, клубот каде ја помина сезоната пред да се врати во Уругвај, каде ги бранеше боите на нисколигашите Пласа Колонија, Бостон Ривер и Атенас де Сан Карлос каде го имаше последниот ангажман.
