По реванш натпреварите од полуфиналето на Лига Европа и Конференциската лига вчеравечер, ги дознавме сите финалисти од овосезонските натпреварувања на УЕФА.
Ден претходно, финалето во Лигата на шампионите го доби Манчестер Сити, кој во реванш натпреварот го победи Реал Мадрид со 4:0 и со вкупни 5:1 се пласира во Истанбул, каде ќе игра за првата европска титула против Интер, кој пак, го исфрли Милан.
Драматично беше и на другите две европски натпреварувања. Во Лига Европа, Севиља го исфрли Јувентус по продолженијата, а Рома одигра 0:0 со ретко виден бункер во Леверкузен и така ги спаси 1:0 од првиот натпревар во Рим. Тимот на Мурињо имаше само еден шут кон голот.
Во Конференциската лига во финалето ќе играат Фиорентина и Вест Хем. По продолженијата, Италијанците го победија Базел со 3:1 на гостински терен и победија со вкупни 4:3, додека Вест Хем имаше многу полесна работа. По победата против АЗ Алкмар во Лондон 2:1, победи и Вест Хем во Холандија со 1:0.
Лига Европа, 31 мај, Пушкаш Арена (Будимпешта):
Конференциска лига, 7 јуни, Фортуна Арена (Прага):
Лига на шампиони, 10 јуни, Олимписки стадион Ататурк (Истанбул):
