Со вчерашниte реванш натпревари од осминафиналето на Лигата на шампионите заврши оваа фаза од натпреварувањето, а познати се сите осум екипи кои во четвртфиналето ќе се борат за место меѓу четирите најдобри екипи во Европа.
Во четвртфиналето се пласираа Манчестер Сити, Арсенал, Барселона, Реал Мадрид, ПСЖ, Баерн, Борусија Дортмунд и Атлетико Мадрид, а сосема е јасно дека ќе гледаме спектакуларни пресметки во следната фаза од натпреварувањето.
Од продолжението на натпреварувањето се простија Порто, Наполи, Копенхаген, РБ Лајпциг, Лацио, Реал Сосиедад, ПСВ и Интер.
Жрепката за комплетната завршница на Лигата на шампионите (четвртфинале, полуфиналиња и финалиња) ќе се изврши во петок со почеток во 12 часот.
„Танцот на топчињата“ ќе биде отворен, односно нема да има носители, ниту пак ќе има ограничувања како она дека не може да играат екипи од иста земја.
Првите осминафинални натпревари ќе се играат на 9 и 10 април, а реваншите седум дена подоцна.
Полуфиналните натпревари се закажани за крајот на април и почетокот на мај, додека големото финале ќе се игра на 1 јуни во Лондон на стадионот „Вембли“.
