Откако синоќа се одиграа и последните три квалификациски натпревари се пополнија сите места за фазата по групи од новата сезона во Лигата на шампионите на УЕФА.
Во вторникот пласман во групната фаза низ плеј-офот изборија Галатасарај, Брага и Јанг Бојс, а синоќа им се придружија Копенхаген, Антверпен и ПСВ.
Највозбудливо беше во Ајндховен каде ПСВ го совлада Ренџерс со 5:1 и со тоа се избори за играње во групната фаза. Копенхаген победи со вкупни 2:1 во двомечот со поскиот шампион Ракув, додека белгиски Антверп го исфрли грчкиот шампион АЕК.
Така сега познати се сите 32 екипи кои ќе се најдат на денешната жрепка, која е закажана за 18 часот. Првпат по три години групите од Лигата на шампионите ќе се влечат на „Грималди Форум“ во Монако.
Тимовите традиционално ќе бидат поделени во четири барабани. Во првиот барабан ќе бидат носителите на групите, а тука се екипите кои ги освоија Лигата на шампионите и Лига Европа минатата сезона, како и шесте шампиони од шесте најсилни лиги во Европа.
Барабан 1:
Манчестер Сити
Севиља
Барселона
Наполи
Баерн
ПСЖ
Бенфика
ФејнордБарабан 2:
Реал Мадрид
Манчестер Јунајтед
Интер
Борусија Дортмунд
Атлетико
Лајпциг
Порто
АрсеналБарабан 3:
Шахтар
РБ Салцбург
Милан
Лацио
ПСВ
Копенхаген
Црвена звезда
БрагаБарабан 4:
Њукасл
Унион Берлин
Ланс
Реал Сосиедад
Селтик
Антверп
Јанг Бојс
Галатасарај
Директен пренос од жрепката ќе има на веб-страницата на УЕФА, како и на Arena Premium 1.
Натпреварите од 1. коло во групната фаза ќе се играат во вторник на 19 и среда на 20 септември.
Распоред:
1. коло: 19-20 септември 2023
2. коло: 3–4 октомври 2023
3. коло: 24-25 октомври 2023
4. коло: 7-8 ноември 2023
5. коло: 28-29 ноември 2023
6. коло: 12-13 декември 2023
Жрепката за осминафинанлето ќе се одржи на 18 декември.
Финалето во Лигата на шампионите за сезоната 2023/2024 е закажано на „Вембли“ на 1 јуни.