Англискиот премиерлигаш Евертон врати дел од своите бодови откако му беа одземени 10 бода поради прекршување на прописите за профит и одржливост на лигата.
На почетокот на сезоната на Евертон му беа одземени дури 10 бода, што ги турна славните „Карамели“ кон зоната за испаѓање. Следуваше жалба од „Гудисон Парк“, која вроди со плод, па одлуката беше сменета.
Денеска челниците решија да ја намалат казната и наместо 10 одземени бодови, на крајот бројката ќе остане шест. Тоа значи дека по оваа пресуда Евертон ќе скокне на 15. место на табелата со 25 бодови, со што се зголемија шансите клубот да остане во елитата.
Во својата првична изјава, Евертон ја окарактеризира пресудата како „целосно непропорционална и неправедна“.
Тоа е најголемата казна во историјата на Премиер лигата и прва поврзана со правилата на финансискиот фер-плеј.
Сепак, Евертон сè уште не е сигурен бидејќи му претстои ново судење. Според новите случувања, клубот беше обвинет за прекршување на правилата по вторпат заедно со Нотингем Форест во јануари и наскоро повторно ќе биде на суд.