Според најново истражување, протеини слични на антитела познати како VNAR, извадени од имунолишкиот систем на ајкули, можат да ги неутрализираат коронавирусите.
Оваа студија, објавена во четвртокот во Nature, тврди дек VNAR се способни да го неутрализираат коронавирусот кој ги инфицира луѓето, односно WIV1-CoV. Овој специфичен коронавирус циркулира единствено помеѓу лилјаците, наводниот извор на сегашниот SARS-Cov-2 кој ја предизвикува болеста COVID-19.
Сепак, VNAR нема веднаш да се примени во лекувањето на луѓе за време на сегашнава пандемија, бидејќи научниците велат дека откритието дека протеините од ајкула ќе биде од голема помош за некои идни паднемии.
„Големата слика е тоа што постојат бројни видови на коронавирусот кои се закана по човештвото. Она што сега го правиме е подготовка на арсенал од VNAR од ајкули кои ќе можат да се употребат за идни пандемии на респираторни болести. Тоа е еден вид осигурување за иднината“, вели Арон ЛеБо, професор по патологија при Универзитетот Висконсин-Медисон, еден од водачите на истражувањето.
VNAR од ајкулите претставуваат една десетина од големината на човечко антитело. Тие делуваат на тој начин што се прикачуваат за инфицираниот протеин и ја стопираат неговата способност за ширење на инфекцијата.
„Овие мали протеини слични на антитела можат да се пикнат во ќошиња и пукнатини каде човечките антитела не можат да пристапат“, објаснува ЛеБо, додавајќи и дека VNAR имаат способност да ги препознаат структурите со патогени кои човековите антитела не можат.
