Лионел Меси непријатно ги изненади челниците на ПСЖ откако само неколку часа по првенствениот пораз од Лориен (1:3) се качи во авион и се упати кон Саудиска Арабија.
Неговото заминување во земјата чиј промотор е под договор, беше шок за тренерот на тимот Кристоф Галтје и спортскиот директор Луис Кампос, бидејќи ниту еден од нив не знаел што прави Меси.
L'Equipe пишува дека Меси очекувал тимот да ги добие вообичаените два дена одмор по неделниот натпревар, но понеделникот бил напорен ден за ПСЖ по неочекуваниот пораз и комплицираната ситуација на табелата. Се одржа нормален тренинг, но аргентинската ѕвезда ја немаше.
Меси веќе еднаш мораше да го откаже патувањето во Саудиска Арабија поради лошите резултати на тимот, а наводно овој пат не можел да го направи тоа.
Француските медиуми пишуваат дека со неговото заминување ги шокирал играчите и клубот кои сега се само +5 во однос на Марсеј и кои додека се сликал со саудиските газели во друштво на своето семејство, тренирале на вообичаено слободниот ден.
