Откако Горниот дом на парламентот го одобри барањето на рускиот претседател Владимир Путин за испраќање војска надвор од границите на Русија, тој одговараше на новинарски прашања.
„Бевме принудени да однесеме ваква одлука со оглед на тоа дека мировниот Договор од Минск повеќе не постои. Зошто да не ги признаеме овие републики сега во границите во кои ги признаваме“, изјави тој.
Путин истакна дека Русија понудила решавање на кризата во Донбас со мировни преговори, но тоа веќе не е возможно. Сепак, изрази надеж дека ситуацијата во Донбас ќе се реши по мирен пат.
„Работите сега ескалираат, но се надеваме дека во иднина сè ќе биде решено со мировни преговори“, додаде тој.
Изјави дека ако странските сили престанат да ја вооружуваат украинската влада, тоа е единствениот фактор кој може да се контролира. Истакна дека руските воени трупи ќе отидат во Донбас, ако тоа е потребно, но вели не веднаш.
Тој смета дека Украина е вооружена до заби и е антируски настроена, а Москва е во досег на украинските нуклеарни проектили.
Рускиот претседател им вети секаков вид помош на руските сепаратисти во регионите Доњецк и Луганск.