Рускиот претседател идржа говор на време на пленарната седница на Евроазискиот економски форум.
„Западните земји кои се обидуваат да ги казнат другите со економски санкции, ја преценуваат својата сила“, изјави денеска рускиот претседател Владимир Путин за време на Евроазискиот економски форум.
„Сѐ повеќе земји во светот сакаат и ќе водат независна политика“, рече тој на меѓународниот настан. „Ниту еден 'светски полицаец' не може да го запре овој природен глобален процес. Никој не е толку моќен“.
„Тие се соочуваат со предизвици во нивните нации и се надевам дека ќе сфатат дека оваа политика нема апсолутно никаква перспектива“, рече рускиот лидер, мислејќи на САД и нивните западни сојузници.
Русија стана најсанкционираната нација во светот откако Западот ѝ се одмазди за нападот на Украина во февруари. Ограничувањата беа промовирани од официјалните лица како начин да се нанесат трошоци за Русија и да се дестабилизира нејзината економија за да се принуди Москва на повлекување. Сепак, многу земји одбија да се приклучат на акцијата за санкции, вклучително и Турција, која е членка на НАТО.
Глобалните пазари, кои веќе беа под притисок поради пандемијата со COVID-19 и нарушувањето на синџирите на снабдување, дополнително беа дестабилизирани од застојот. Многу западни земји доживеаја нивоа на инфлација невидени со децении, бидејќи цените на енергијата и храната се зголемија поради неизвесноста.
Настанот на кој Путин ги даде забелешките беше организиран од Евроазиската економска унија, регионална организација за економска интеграција која ги сочинува Ерменија, Белорусија, Казахстан, Киргистан и Русија како членки.
Во својот воведен говор рускиот лидер објасни дека неговата земја нема намера да ја затвори својата економија за остатокот од светот. Тој, исто така, објави како Русија се справува со санкциите, вклучително и со замена на клучните увезени производи со замени од домашно производство.