Српскиот тенисер Новак Ѓоковиќ се пласираше во четвртфиналето на УС опен откако во три сета го совлада хрватскиот квалификант Борна Гојо (6:2, 7:5, 6:4).
Новак одлично го отвори натпреварот и веќе во првиот гем стигна до брејк и од тој момент целосно го контролираше првиот сет и благодарение на уште еден брејк во петтиот гем рутински го доби првиот сет во своја корист.
На почетокот од вториот сет Гојо заигра малку подобро, направи брејк веднаш во вториот гем, но Ѓоковиќ возврати и израмни, а по малку помирен период на игра, Хрватот се предаде во 11-тиот гем, а откако направи три поврзани грешки, Ѓоковиќ му го „одзеде сервисот“ и дојде до водство од 2:0 во сетови.
Во третиот сет Гојо се држеше до 3:3, а потоа Ѓоковиќ повторно направи брејк, поведе, а после тоа немаше дилеми дека мечот ќе се решава во три сета и дека тенисерот од Србија ќе се пласирал во четвртфиналето.
Ѓоковиќ во четвртфиналето ќе игра против Американецот Тејлор Фриц, а во досегашната кариера српскиот тенисер седум пати играше против Фриц и ги доби сите дуели, со само два загубени сета.
