Шпанскиот фудбалски гигант Реал Мадрид почна да го реновира својот стадион „Сантјаго Бернабеу“ уште во март 2020 година, а сега кога на големиот проект конечно му дојде крајот, на социјалните мрежи гордо се пофалија со најнова технологија.
Имено, Реал покажа како функционира системот за вовлекување на теренот во посебна комора која се наоѓа веднаш до најниската трибина на реновираниот стадион.
По неодамнешниот натпревар со Хетафе, со кој Реал го отвори реновираниот стадион, се пристапи кон вовлекувањее на теренот, а мадридскиот тим го сними целиот процес и ѝ го покажа на светската јавност.
Реал подигнал заем во износ од 225 милиони евра за изградба на систем за подземно складирање на тревникот, а овие средства беа искористени за изградба на голема „подземна стаклена градина“.
Поради сложеноста ова не беше предвидено во првичните работи, па потоа беше технолошки решено, а овој систем ќе овозможи автоматска подготовка на теренот со помош на хидрауличен кран и зачувување на тревникот во оптимални услови.
Ова ќе го максимизира бројот на настани што може да се одржат без да влијае на тревникот, бидејќи комората е опремена со специјални уреди за одржување на соодветна температура и клима за тревата, а има и систем за наводнување и УВ третман.
Целиот проект за реновирање на стадионот ќе го чини Реал околу една милијарда евра, додека вистинското отворање е закажано за 23 декември, кога се очекува спектакуларна музичка сценска програма.