Легендите на бразилски Саун Паулу и италијански Милан синоќа одиграа ревијален натпревар на стадионот „Морумби“ во Бразил, а победи домаќинот со 4:1.
Но, најголемо внимание кај навивачите привлече сцената во која главната улога ја имаше легендарниот Кларенс Сејдорф (кој кај нас погрешно е познат како Сидорф), кој збесна од потезите на Жозуе.
Поранешниот бразилски ветеран грубо стартуваше над Сејдорф, а Холанѓанецот бурно реагираше и веднаш започна конфронтација со поранешниот фудбалер на Волфсбург, кој беше член на шампионскиот тим предводен од Един Џеко и Звјездан Мисимовиќ.
Нивната пресметка во судиското надополнување беше спречена од останатите фудбалери на теренот и натпреварот беше приведен до крај.
По натпреварот, Жозуе изјави дека реакцијата на Сејдорф му е нејасна и дека смета дека му било тешко поради резултатот со кој е поразен Милан на овој натпревар.
За победата на Саун Паулу се погриѓија Додо со три гола и Валбер, додека единствен стрелец за Милан беше Рикарду Оливејра. Екипите играа во следните формации скроени од легендите:
Саун Паулу: Бонекини, Лугано, Фабау, Кафу, Жуниор, Валбер, Жозуа, Кака, Раи, Мулер Паљиња.
Милан: Дида; Андре Крус, Костакурта, Панучи, Ѕакардо, Емерсон, Броки, Карбоне, Сержињу, Сејдорф, Рикарду Оливејра.
