Кристијано Роналдо му порача на Јувентус дека сака да добие нов договор и да остане во торинскиот клуб.
Кристијано Роналдо наводно побарал да го напушти Торино по неуспешната сезона со Јувентус, но сега пристигнуваат информации дека сè е сменето за 180 степени.
Славниот португалски напаѓач не само што нема да го напушти Јувентус ова лето, една година пред истекот на неговиот договор, туку неговиот агент ѝ порача на „Старата дама“ дека сакаат да преговараат за продолжување на соработката, што е големо изненадување.
Роналдо претходните три сезони го носеше дресот на Јувентус и не успеа да ја освои Лигата на шампионите со овој тим, што беше заедничка цел, а потоа се шушкаше дека е незадоволен од соиграчите, тренерот...
Ова особено се однесуваше на враќањето на Максимилијано Алегри на клупата на Јувентус, па се шпекулираше дека Роналдо затоа може да замине во Пари Сен Жермен или Манчестер Јунајтед, но нема да има ништо од тоа бидејќи овие клубови не се подготвени да издвојат пари за обештетување и голема плата.
Тоа го сфати и агентот Мендеш, па затоа му предложи на Јувентус да ја продолжат соработката, за кариерата на Роналдо да продолжи во Италија и дека не е време за преселба во МЛС...
Роналдо има 36 години, а во дресот на Јувентус постигна 101 гол во претходните три сезони.
