Нефункционален сателит на НАСА безбедно падна на Земјата по 38 години минати во орбитата.
Станува збор за Earth Radiation Budget Satellite (ERBS), лансиран во 1984 година со помош на Challenger.
До 2005 година, податоците испратени од ERBS им помагаа на научниците да истражуваат како Земјата ја апсорбира енергијата од Сонцето, но и низа други процеси како мерење на озоннската концентрација, водена пареа, аеросоли во атмосферата и слично.
Американското Министерство за одбрана потврди дека сателитот влегол во атмосферата во неделата и паднал над Берингово Море, додека поголемиот дел изгорел во атмосферата. Нема извештаи за повредени или направени штети, пренесе AP.
Инаку, сателитот го надмина очекуваниот животен век од две години и беше функционален 21 година. Неговиот инструмент Stratospheric Aerosol and Gas Experiment II (SAGE II) собра податоци кои го потврдија осиромашувањето на озонската обвивка на глобално ниво.
Податоците собрани од овој сателит помогнаа да се создаде Договорот за протокол од Монтреал, меѓународен договор потпишан во 1997 година, што резултира со драстично намалување на употребата на хемикалии кои го осиромашуваат озонот (CFC).
Овие хемикалии некогаш се користеле за ладење на уреди, клима уреди и слично.
Денес, SAGE III на Меѓународната вселенска станица собира податоци за состојбата на озонската обвивка.