Сагата помеѓу Челси и аргентинскиот бисер Енцо Фернандес, кој брилјираше на Мундијалот во Катар, продолжува и се чини дека „Сините“ немаат намера да се откажат од неговите услуги без разлика на тоа колку ќе треба да платат.
Интересот на лондонскиот тим не е тајна уште од завршувањето на Мундијалот, каде Фернандес својата Аргентина го освои пехарот, а ја освои и наградата Најдобар млад играч. По отворањерто на зимскиот преоден рок преселбата на Арегентинецот од Лисабон во Лондон се чинеше завршена работа. Но, Бенфика побара премногу пари, многу повеќе од она што Челси беше подготвен да го понуди. Според информациите, последната понуда на Челси изнесувала 85 милиони евра.
Според пишувањата на португалски Record, Челси повторно тргнал по Фернандес, откако на пазарот не успеа да најде соодветна замена на позицијата централен играч за врска.
Преговорите помеѓу лондонските „Сини“ и Бенфика повторно се отворени, а Португалците за откуп на Фернандес сега бараат вртоглави 120 милиони евра (106 милиони фунти).
Доколку дојде до трансфер под вакви бројки, тогаш трансферот на Енцо Фернандес од Бенфика во Челси ќе стане најскапиот во историјата на Премиер лигата. Засега на врвот на оваа листа се наоѓа трансферот на Џек Грилиш од Астон Вила во Манчестер Сити кога во август 2021 година се пресели за 117,5 милиони евра, или точно 100 милиони фунти.