Поранешниот стандарден првотимец на Македонија, Бобан Николов, јавно го искажа своето незадоволство од, како што рече, „личното разочарување“ од актуелниот селектор.
Бобан Николов говореше за еден од најпопуларните македонски спортски веб-страници, Спорт1.
„И јас сум еден од разочараните репрезентативци поради односот на селекторот Милевски, и тоа од повеќе причини. Бев дел од селекцијата која оствари историски успех со пласман на ЕУРО 2020, на што сум посебно горд. Но, по доаѓањето на новиот селектор, со кого соработував како капитен на селекцијата до 21 година, очекувањата за успесите беа високи, но морам да го искажам личнито разочарување од Б.М. и тоа од повеќе аспекти. Селекторот изјави дека повик ќе добиваат играчи кои играат и имаат минутажа во своите клубови, но во мојот случај се докажува спротивното - кога не играв не добивав повик, но и кога играм пак не сум повикан“, рече Николов.
Ако едно време Бобан Николов заслужено не добиваше повик бидејќи не играше, а едно време беше и без клуб, сега повторно е изоставен иако игра стандардно во унгарското првенство за тимот на Кишварда. Затоа, пак, во репрезентацијата има фудбалери кои воопшто не играат, а одличен пример за тоа е Езѓан Алиоски, чиј последен клупски настап е на 29 август 2023 година. Популарниот Џани беше стартер на двата контроилни натпревара во Анталија - на едниот одигра 45 минути, а на другиот цел натпревар.
Воедно, Николов беше еден од носителите на играат во У21 репрезентацијата токму во времето кога селектор беше Милевски.
Целосната изјава на Николов за Спорт1 можете да ја прочитате тука.
