Последниот предизвик што се шири на интернет вклучува големи пластични гајби, одржување рамнотежа и болни падови.
Во предизвикот „гајба“ на TikTok учесниците земаат неколку големи пластични гајби, ги редат една на друга во облик на пирамида и се обидуваат да се искачат на врвот, а потоа да се спуштат, без конструкцијата да се преврти.
Видео снимките од болни падови се доста популарни на интернет, со повеќе милиони прегледи.
Докторите предупредуваат дека во овој предизвик учесниците може да се здобијат со многу тешки повреди, пишува Guardian.
„Многу е тешко да се подготвиш за вакви падови какви што видов во видеата. Ризикуваат да се здобијат со сериозни проблеми на зглобовите“, вели Шон Ентони, ортопед и хирург во болница во Њујорк.