Слабеењето за многумина е тешка задача, а не се ни свесни дека одредени навики несвесно го саботираат процесот на слабеење.
Нутриционистката Теми Лакатос Шејмс откри една навика која го оневозможува слабеењето, а тоа е целосното исфрлање на јаглехидратите од исхраната.
Многумина веруваат дека речиси сите јаглехидрати се лоши за слабеење, но експертката истакнува дека тоа воопшто не е точно. Имено, јаглехидратите можат да бидат многу добри за нашето здравје, а нивното целосно исфрлање може да предизвика токму спротивен ефект. Како што наведува, целосното избегнување на јаглени хидрати може да доведе до зголемување на телесната тежина.
„Јаглехидратите се како гориво за вашиот мозок и мускули, а кога ќе ги исфрлите, не е невообичаено да се чувствувате исцрпени и да имате интензивна желба за јаглехидрати или шеќер, бидејќи на вашиот мозок и тело му треба брзо закрепнување. Ова често резултира со прејадување со храна која се обидувате да ја избегнете“, додава таа.
Советува дека ако сакате да ослабете, а тоа не ви оди, да земете предвид како се чувствувате ако ги исклучите јаглехидратите.
„Дали се чувствувате уморни подоцна или тоа доведува до прејадување? Ако е така, направете свесен напор да вклучите мала количина на здрави јаглехидрати во секој оброк“, вели таа.
