Вестите за продолжување на италијанската Серија А стигнуваат една по друга, па така во еден момент продолжувањето на првенството е извесно, а во друг прекинувањето е уште поизвесно. Најновите информации не даваат многу надеж.
Спогодбата меѓу Фудбалската федерација на Италија и Владата беше изменет со протокол според кој ако еден член на тимот се зарази со коронавирус, целата екипа заминува во карантин.
Промената очекувано ја разбранува јавноста, а девет клубови директно се спротиставија на ваквата одлука.
Штрајк веќе најавија Милан, Интер, Наполи, Фиорентина, Каљари, Верона, Сампдорија, Аталанта и Џеноа.
„Иако не сакам да создавам контроверзи, со вакви правила не сме во состојба нормално да одржуваме тренинг. Бараме да се избрише оваа промена или нема да имаме друга алтернатива“, порача директорот на Интер, Џузепе Марота.
Асоцијацијата на тренери и играчи е против изменетиот медицински протокол, па ќе биде интересно да видиме како ќе се решава ситуацијата во Италија во следните денови.
