Тренерот на Барселона, Кике Сетјен беше лут синоќа по драматичното реми против Селта (2:2). Каталонците ја пропуштија победата во последните минути, а Сетјен се кае за многу пропусти пред паузата.
– Противникот презеде многу ризици во последните минути и стигна до гол што му донесе бод. Не требаше да дозволиме тоа да се случи затоа што игравме многу подобро од Селта во првото полувреме. Тогаш требаше да водиме убедливо. Да, фудбалот е неправеден. Неверојатно е како ударот со глава на Жерард Пике кој не се претвори во гол, прокоментира Сетјен.
Тој повтори дека нивната предност пред паузата мораше да даде резултат по кој ќе можеа спокојно да го завршат натпреварот.
„Понекогаш реализацијата е прашање на среќа. Повеќе немаме право на грешки. Мора да победиме на сите натпревари за да го задржиме првото место на табелата“, рече тренерот на Барса.