Компанијата Samsung работи на развојот на новата генерација на смартфони на преклоп, а сега се објавени и првите детали.
Станува збор за уредите Galaxy Z Fold 4 и Z Flip 4 кои на пазарот пристигнуваат во 2022 година. Galaxy Fold 4 ќе има подобра технологија на камерите под екранот и тоа се однесува на двете селфи камери, внатрешната и надворешната.
Задните камери исто така ќе бидат подобрени. Fold 4 ќе биде полесен од претходникот, а се очекува и подобра отпорност на вода и прашина.
Flip 4 со селфи камера под екранот е во фаза на тестирање. Исто така ќе биде отпорен на вода и прашина, а се очекува и батерија со ист капацитет и големина како и кај моделот Flip 3.
Flip 4 ќе биде претставен со Fold 4 во втората половина на 2022 година.